Міне, Қазақстан Республикасының тәуелсіздік алғанына да жиырма екі жыл болып қалыпты. Қазақстан Республикасы Жоғарғы Кеңесі 1991 жылдың 16 желтоқсанында Қазақстанды Тәуелсіз Республика деп жариялады. Екі жүз елу жылдай патшалық Ресейдің отары, жетпіс жылдан астам Кеңес өкіметінің тас бұғауында болған Қазақстан егемен ел мәртебесіне ие болды. Бұл күн – ел тарихына Тәуелсіз Қазақстан Республикасының туған күні деп алтын әріптермен жазылды.1986 жылы азаттық іздеген қазақ жастарын қанға бояған жыл болды. Ербол мен Қайрат, Сабирамен Ләззат қазақтың қайтпас қайсарлығын танытып, алаштың отын асқақтатты. Қазақ жерінде осы тәуелсіздікті алғаннан кейін көптеген жақсылықтар жасалды, орын алды. Қазақстан әлем халқымен теңесіп, жаңаша өмірге бет бұрды. Елбасының осындай жауапты кезеңде халыққа «Қазақстан – 2030» атты бағдарламасын жариялады. Ол бағдарламада барлық салалардағы мәселелердің шешімі қаралып, Қазақстан болашақта қуатты «барысқа», яғни қуатты мемлекетке айналмақшы. Қазақстан дүние жүзіндегі дамыған елдердің бірі болуы – ақиқат!
