10. Төменде берілген проблемалық сұрақтардың біріне екі абзацтан тұратын ойтолғау жаз. 1) «Ел мен тіл - егіз ұғым» деген пікірмен келісесің бе? 2) «Мәңгілік ел болу – біздің өз қолымызда» ұғымы қан- шалықты дұрыс деп санайсың?

Тіл мен Ұлт – егіз ұғым. «Ұлттың сақталуына да, жоғалуына да себеп болатын нәрсенің ең қуаттысы – тілі. Сөзі жоғалған жұрттың өзі де жоғалады» дейді ұлт ұстазы Ахмет Байтұрсынұлы.
Ұлт тәуелсіздігінің құны мен қадірін сақтауға тұтас өмірін арнаған, азаттық күресінің аса ірі қайраткері Нельсон Мандела: «Егер тіл мен мәдениетің жоғалса, шекараңды аша сал. Бәрібір неңді қорғайсың? Бұл ел сенің елің емес» депті. Ащы да болса ақиқат сөз. Өзінің ұлттық келбетінен, тілінен, ділінен айырылған халық пен ел жұтылып, жоғалады.Олай болса, азат ел болып, тілімізді төрге шығарып, оған Конституциялық мәртебе берілген кезде қазақ тілінің тағдырына мемлекет те, бүгінгі алқалы жиында бас қосып отырған қауым да, жалпы Қазақстанды Отаным деп санайтын барша азаматтар да жауапты. Өйткені тіл – үздіксіз дамуды, үнемі қорғауды қажет ететін өте нәзік, жанды құбылыс.