sts23

28.11.2020 07:55 •  Қазақ тiлi

ОҚЫЛЫМ Мәтінді түсініп оқыңыз
Ана тілі

Ана тілі - бұл атаңның, анаңның тілі, туған халқыңның тілі. Ана тілін біз кішкентай кезімізден әке-шешемізге, әжеміз бен атамызға, басқа ересектерге еліктеп жүріп біле бастаймыз. Ананың ақ сүтіндей бойымызға біртіндеп сіңіреміз. Өзіміз өсіп, ержеткен сайын халықтан, мектептен, кітаптан, газет-журналдан, радио-теледидардан, кино-театрдан үйреніп, ана тілін тереңірек біле береміз. Ол - біздің өмір бойы өзгелермен ұғынысатын негізгі қатынас құралымыз.

Әр халықтың жер бетінде жасағаннан бергі басынан кешкен өмірі ерлік істері, аңыз-ертегілері, өлең-жырлары, кітаптары, табиғат пен қоғам құбылыстары атаулары, жалпы дүние жайындағы ұғымдары, ойы, сезімі – бәрі-бәрі де ана тілінде сақталады. Ана тілі арқылы атадан балаға ауысып отырады.

Ана тілін жақсы білмейтін адамды шын мәніндегі мәдениетті адам деуге болмайды.

2-тапсырма. Мәтіннен теріп жазыңыз.

Тілдің қатысына қарай жуан дауысты дыбысы бар 2 cөз жаз.

Тілдің қатысына қарай жіңішке дауысты дыбысы бар 2 cөз жаз.

Жақтың қатысына қарай ашық дауысты дыбысы бар 2 cөз жаз.

Жақтың қатысына қарай қысаң дауысты дыбысы бар 2 cөз жаз.

ЖАЗЫЛЫМ

3-тапсырма

Жоғарыдағы «Ана тілі» мәтініне сәйкес кіріспе, негізгі және қорытынды бөлімді қамтитын қарапайым жоспар құрыңыз.